O Proceso Lector
A lectura é un proceso interactivo que involucra á persoa lectora e ao texto e ten como resultado a reconstrucción de significados e sentidos expresados por medio da lingua escrita.
A lectura é o medio máis importante polo cal os nenos e nenas aprenden coñecementos rexistrados sobre os feitos e as situacións do seu contorno.
A lectura é un instrumento fundamental para a formacion integral do alumnado pois a través dela:
- desenvolven a expresión oral
- enriquecen o vocabulario
- favorece a creatividade
- asimila o modo intuitivo das normas que rixen a escritura dunha lingua
- desenvolve a comprensión lectora
- abren horizontes e se fomenta o interese por outros coñecementos e áreas
- incrementa gradualmente a cultura
- ocupa unha cantidade de tempo de ocio na cultura
DESENVOLVEMENTO E CARACTERÍSTICAS DO PROCESO LECTOR
A lectura supón a adquisición dunha das capacidades básicas nas que descansa a sociedade e a cultura na que vivimos. Por un lado ha de aproximarse á representación e interpretación simbólica (decodificando e aumentando o dominio do léxico) e por outro favorecendo experiencias pracenteiras.
A aprendizaxe da lectura significa aprender a usar de forma nova os recursos lingüísticos que foron desenvolvendo falando e escoitando. Por iso a lectura pon de manifesto a característica principal da área de Lingua e Literatura (tando galega como castelá) dentro do estipulado no D. 130/2007 do 28 de xuño polo que se establece o currículo pra primaria na C. A. de Galicia.
Cabe mencionar aquí que a lectura non é unha actividade exclusiva das áreas lingüísticas pois é a actividade máis completa para desenvovler as competencias básicas e conseguir os obxectivos plantexados en todas e cada unha das áreas: colabora na adquisición de vocabulario específico, axuda á comprensión e favorece a educación integral.
Unha das metas é considerala fonte de coñecemento e saber pero tamén de disfrute, aventura, ocio e diversión.
O proceso lector continúa en desenvolvemento progresivo ao longo da etapa na que se favorecerán experiencias pracenteiras coa lectura plantexando situacións e actividades donde os nenos e nenas atopen sentido á súa utilización favorecendo o desenvolvemento da lectura comprensiva e polo tanto o coñecemento da realidade.
Non existe un método válido para todos, haberá que contar coa diversidade tendo en conta que a meta final é a de facer bos e boas lectores/as capaces de segmentar e representar os fonemas e comprender a mensaxe escrita.